Transcription
1
Monsieur, en absance de monsieur de Saincte Jalle
2
lequel est au tour de Nymes pour le service du
3roy et de monseigneur [barré : d ] le mareschal Damville, voyant
4
la pitié et le debvoir de la bonne garde que ceulx
5
deste ville ont tousjours faict despuys le
6
commansement et les voyant au jourdhuy cy pouvres
7
pour des grandz charges qu’ilz ont supporté à ses
8
guerres civilles, ma insité par ceste vous supplier
9
très humblement de les pouvoir de quelques aydes,
10
comme il vous a pleu de pouvoir en daultres lieulx,
11
pour ce que est ung lieu de paissaige ; et vous promectz
12
monsieur qui de ce qu’il soulet estre ung bon villaige,
13
il ny a pas au jourd’huy six maisons quilz ne
14
demandent lamosne qua esté loccasion pour la
15
pitié que je y voys tous les jours vous estre
16
facheuze qui mescusera et recepvrés sil vous plaict
17
mes très humbles recomandations à vous bonnes graces.
18
Priant Dieu,
19
monsieur, vous donner en saincté, longue et heureze vie.
20
De vostre maison de Saincte Jaille, ce 12 janvier 1573.
21
Votre très humble et hobeissante
22
Conmourcier